نـــاس فــوق و نـــاس تحــت

مشاعل's profile<= متخرجهـ أدبيـ ومقدمهـ...PhotosBlogLists

Tools

Help

< Previous Next >

February 18

نـــاس فــوق و نـــاس تحــت

صعب لامنك فشلـت وصعـب لامنـك لقيـت
إن من يكره نجاحك يـدري انـك مـا نجحـت

امس ضقت ورحت اقلـب ذكرياتـي وانتهيـت
عند صورة طفل صوته مثل صوتي لا انجرحت

وش مثل ؟؟ لا والله إلا هذا أنـا يـوم ابتديـت
انطق حروفٍ تلعثـم فـي لسانـي لا انمدحـت

هذا أنا يوم الحيـاه فـنظرتـي عشريـن بيـت
ومسجدين ومدرسه من طين كم فيها اصطبحـت

هذا أنا .. وأصبحت أتمتم .. (هذا أنا) حتى بغيت

اختنق بس القدر عيّـا علـى موتـي وطحـت

وصاح صوت الطفل فيني انت من وين ارتميت
قلت أنا المستقبل اللي فيه كم همـت وطمحـت

امس كنت أبيـك تكبـر بـس والله لـو دريـت
اني اللي عشت لجله مـت عنـدك واسترحـت

لو دريت إن الزمان يجـر رجلـي مـا عديـت
ولو دريت إن البحور بلا موانـي مـا سبحـت

كان دربك لي طويـل وكـل ماشفتـك هويـت
قلت لك كبوة جواد ومـا كبيـت إلا وجمحـت

ليـه تسمعنـي وتمشـي آه ليتـك مامشـيـت
وآه ليتك من كثـر عبـرات الأيـام انتصحـت

ضاعت احلامي وضل الحزن فينـي واهتديـت
للطريق اللـي يودينـي علـى دمعـي ورحـت

يالحزن ليتـك مثـل دمعـي وتنـزل لارقيـت
بس أعرفك لو مسحت الدمع تبقى ما انمسحـت

كان حلمي في وجـود إنسـان يبكـي لابكيـت
وصار حلمي في وجود إنسان يفـرح لافرحـت

كنت اشوف الناس مثلي كل ما جعت وضميـت
ما دريت إن الاوادم ناس فـوق ونـاس تحـت

آآآه يا أول ذكرياتي خذنـي فـحضنـك نسيـت
لأسألك عن وجه ابوي اللي معه يامـا سرحـت

خذني فـحضنك ابغفى .. ياااااه مبطي ماغفيـت
وان لمحت دموع عيني سو نفسـك مـا لمحـت

خذني فـحضنك وبعثر في جروحي وان قضيت
هزلي كتفي وقلي : عيـب تبكـي لـو سمحـت

اضحك وعلم زماني من أنا .. ومن وين جيـت
طق باب الحزن واصرخ فـيّ لامنـي فتحـت

وضمني يمك .. وكمل ضحكتك لامـن بكيـت
ودي اذكر كيف كانت ضحكتي لامـن فرحـت

هلا وغلا احبابي اللي انا عنهم بعيده

سامحوني واعذروووني

ودعواتكم الله لايحرمني منكم

10:03 PM | Blog it

Comments (7)

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	ششش سسسwrote: اييييييييييييييه ..؛ لي نص سااعه جالس اقرى ادور عن الزبده في الكلام ..؛ اثاري الزبده هي القصه ..؛ ::: خووووش قصه ..؛ اسلوبك جداُ ممتع ..؛ بعيداً عن الرواية وابطالها ..؛ احب ان ابدي اعجابي بأسلوبك وكيفية توطين ابطال هذه القصه ..؛ اتمنى ان موهبتك القصصيه ترى النور بشكل اوسع ..؛ تقبل خالص شكر أخيك ..؛ يا طاعوووووووووون ياسر مو يسر :::: June 21
	_◦ஐ˚مهندسةالكلمهـ◦ஐ˚_2wrote: سلاااام كيفكـ مشمش؟ عساك بخير.. الصراحهـ القصيدهـ مرهـ حلوهـ تسلمين على هالذوق الرائع وتسلم ايدك عالكتابه . وصح لسان فهد . سلملم Apr. 4
	مشاعلwrote: هلا جميعا منورين وبعدين انت يالحريري منور بقوه وحضورك غطا علي ههههههه اما عنونك اخر امالي هلا وهلا وهلا منووور ابوي والله فخر لي وجودك في سبيسي وتتعليقك على موضوع سواء كتبته او نقلته فديتك تشاو Mar. 17
	عيونك أخر أمالي wrote: بسم الله الرحمن الرحيم لـقـد ابـحـرت بــزورقــي الصــغـيـر الـبسـيـط فــي عــالــمـك الـمــلــئ بـالــتـواضــع والابــداع الــذي اقــتـحــم زورقــي واغــرقنــي هنا استمتعت وانا أحلق في فضاء واسع لا ادري من أين بدأت ولا أين أنتهي لأستقر في كوكب جديد لم يكتشفوه بعـد ا عـــالــم يحمـل في طــياته أشيــاء وأشيـــاء ...تفــاؤل وثقــه...ابتســـامة ومــرح... ثــقــافة وفــائــدهـ تــرتـاح لـه مـثـل ارتـيـاحـك لصــاحــبه لا أعــرف مــاذا أكــتــب..؟ هــل أعــبــر عــن اعــجـابــي بـالابــداع.. أم الــتنــســيــق.. ام اعــبــر عــن الاخـــراج الــراقــي لــعــالــمــك الــصــغـيــر.؟ الاخــت الكريــمه مشــاعل أهنيك علـى هذا السبيـس الـرائـع أعجبتي بسـاطتـه والاشياء الحلوهـ اللي فيه وضحكـت على أشيـاء كثيـره من ضمنهاا سالفتـك وانتي بالصـاله واكتشـفت انه من اصعب المواقف اللي تمر بالشخص لمن يحكه ظهره ومحـد يرضى يقـدم له مساعده خخخخ سوري على الاطاله لكن بجـد سبيس كووول والله يخليه لك ان شاءالله هههههههه تقبلي فائق احترامي وتقديري أخوك عـُيـ._.ـوٍنـَك Mar. 12
	ASD .wrote: ماقول الا ياقلبييه ياشيخه.. مسويه كيوت ورومانسيه وانتي بطططططه وزنك 80 مالت على هيك كيوتات .. كله كوم والماركات اللي مسويه راعيتها كوووووم اقص يدي اذا شريتي من غير اسواق مكه والعويس .. ياحليلها لاقيتنا والله ههههههههههههه Mar. 1
	ماتبحلين بي :d wrote: امس كنت أبيـك تكبـر بـس والله لـو دريـت اني اللي عشت لجله مـت عنـدك واسترحـت لو دريت إن الزمان يجـر رجلـي مـا عديـت ولو دريت إن البحور بلا موانـي مـا سبحـت كان دربك لي طويـل وكـل ماشفتـك هويـت قلت لك كبوة جواد ومـا كبيـت إلا وجمحـت ليـه تسمعنـي وتمشـي آه ليتـك مامشـيـت وآه ليتك من كثـر عبـرات الأيـام انتصحـت ليتني كنت في عداد الأموات من الأطفال.. ولكن لانقول الا مايرضي ربنا (وعسى ان تكرهوا شيئا ويجعل الله فيه خيرا كثيرا) اللهم احيني مادامت الحياة خير لي وتوفني مادامت الوفاة خير لي Feb. 28
	lool wrote: :s Feb. 25

Trackbacks

The trackback URL for this entry is:

http://z3oooolz3ooool.spaces.live.com/blog/cns!50F4BEC533F6F7A8!477.trak

Weblogs that reference this entry

None